Атырауда өрт сөндірушілер жеке үйдегі жарылыстың алдын алды

30 желтоқсанда кешкі сағат 18:25 шамасында  Атырау қаласы, Өркен ықшам ауданында жеке тұрғын үйдің ауласында орналасқан гараж және жапсарлас салынған қора өртенді.

Өрт салдарынан гараж ішінде орналасқан жеңіл автокөлік жанып кетті. Өрт сөндірушілер өрт кезінде гараж ішінен екі дана пропан баллонын шығарып, жарылу қаупінің алдын алды.  

Өрт 30 минутта оқшауланып, толық сөндірілді. Зардап шеккендер жоқ. Өрттің шығу себептері анықталуда. 

Өртті сөндіруге Атырау облысы ТЖД 20 қызметкері, 4 бірлік техника жұмылдырылды.

Ләззат ҚАРАЖАНОВА