Атырауда 14 жасар қыз жоғалып кетті

Іздеу жұмыстары жүріп жатыр. Жасөспірімнің Атырау облысынан екені белгілі.

Туыстары әлеуметтік желіде ақпарат жариялаған: 14 жастағы Майгүл Жанболатова 28 желтоқсан күні таңертеңгі сағат 10 шамасында өзі тұратын Махамбет ауданы, Махамбет ауылынан Атырау қаласына әпкесіне кеткен. Алайда ол үйіне оралмаған.

Біз оның әпкесіне хабарластық, ол оның жоғалғанын растады. Айтуынша, Майгүлдің қайда болуы және қайда баруы мүмкін екенінен отбасының әлі хабары жоқ

Бұдан басқа, бейтаныс ірі денелі ер адамның Майгүлді Атырауға жеткізіп, «Дина» базарына әкеліп, күртеше сатып алғаны, оны қыздың ауыстырып кигені бейнебақылау камераларына түсіп қалған. Осыдан кейін олардың қай бағытқа кеткені белгісіз.

Туыстары қыздың жүрген жерінен хабары бар адамдардан оны табуға көмектесуді сұрайды.

P.S.
Атырау облыстық ПД баспасөз қызметінің хабарлауынша, 30 желтоқсан күні сағат 15:00-де қыз Ақтау қаласынан аман-есен табылған.Тергеу жүргізілуде.

Айнұр САПАРОВА