Егер Azerbaijan Airlines ұшағы Атырауға құласа...

Сонда адам өлімі әлдеқайда көп болар еді, олардың арасында жолаушылар ғана емес, 2014 жылы әуежай маңынан жер телімін алған үйлердің тұрғындары да болар еді.

Дүние жүзін шарлап үлгерген кадрларда ұшақтың Ақтау әуежайының үстінен қалай төмендеп бара жатқаны көрсетілген. Содан кейін ол бүйірлей жерге соғылады. Бейнежазбада жарылып, түтін будақтап жатқанын көруге болады. Ұшақ құлаған жерден қаза тапқандардың мәйіттері табылғаны хабарланды.

Естеріңізге сала кетейік, бір кездері «АЖ» жер телімдерін заңсыз беру ісі туралы кеңінен жариялаған болатын. Сол кезде Бас көлік прокуратурасы 2011-2012 жылдары Атырау қаласының әкімдігі Азаматтық авиация комитеті мен Атырау халықаралық әуежайының келісімінсіз жеке тұрғын үй құрылысын салу үшін әуеайлақ аумағынан жер бергені туралы ақпарат таратқан еді. Іс 100-ге жуық адамның жер теліміне қатысты болды. Жылдар өткен сайын жағдай күрделене түсті: қазір онда тұрғын үй кешендері мен мәдени нысандар бой көтеруде. Кезінде үйлерін салып үлгерген жүз адамға үй салу ұшақтардың ұшуына қауіп төндіретінін айтқан еді. Іс жүзінде ұшақтардан гөрі бізге қауіп төніп тұрған сияқты.

Айтпақшы, ҚР Азаматтық авиация әуеайлақтарының пайдалануға жарамдылығы нормаларына сәйкес, әуеайлақ маңындағы аумақ - әуеайлақтың бақылау нүктесінен 46 км радиустегі жер бетiндегi учаске. Атырау жағдайында – шындыққа жанаспайтын қашықтық. Іс жүзінде, тұрғын үйлер норма талап еткеннен әлдеқайда жақын қашықтықта басталады, біз бәріміз әуеайлағына жақын аумақта тұрамыз. Бұл, әсіресе, Нұрсая ықшамауданы тұрғындарына қатысты.

Егер Embraer Атырауға құласа не болар еді? Ақтауда апат болған жер ауқымына сүйенсек, ұшақ Мұз сарайының немесе облыстық кітапхананың үстіне құлауы әбден мүмкін еді. Апат болған жер қонақ үй кешендері, кәсіпорын кеңселері немесе мектеп болуы мүмкін еді.

Сондықтан ұшақ ешқашан Атырауға құламайды деп үміттенеміз.

Ал ұшақ құлаған жерден төрт адамның денесі табылғаны хабарланды. Төтенше жағдай орын алған жерде өрт толығымен сөндірілді. ТЖМ ОКА дәрігерлері мен психологтар жұмыс істеп жатыр. 

Анастасия ШЕРСТЯНКИНА