Құмнан екі үй ғана аршылды

Біз Исатай ауданының Исатай селосындағы 30 үйдің құм құрсауында қалғанын бұрын жазған болатынбыз («АЖ» №25, 20.06.2013 жыл,  «Құмда қалған ауыл» жарияланымын қараңыз).

Қазір де жиі тұрған желдің салдарынан Нарын құмы үйлерге барған сайын жақындап келеді.

- Біздің қолымызда еш техника жоқ, - дейді Исатай селосы әкімінің міндетін атқарушы Маргарита ТИМРАЛИЕВА. - Тұрғындар бізге көмек сұрап келуде, бірақ, біз оларға қандай көмек бере аламыз? Жуырда осы ауылға амбулатория құрылысын жүргізбек болып «Жайықуниверсал» ЖШС келді. Біз солардан жұмысшылар мен техника бөлуін өтініп, көмек сұрадық. Олар  екі үйді құмнан аршып, топырағын құрылысқа пайдалануда. Ал аудан тарапынан еш шара қолданылмай отыр.

Ләззат ҚАРАЖАНОВА