Атырау, 24 маусым 20:09
Түнде ашық+25, таңертең +36
ҚР Ұлттық банкінің валюта бағамы: $ 377.18  € 426.14  P 5.98

«“Төтенше депортацияның артында қазақ шенеунiктерiне жағыну тұр”». «Зимановтың ұлы - түрмеде, немерелері – шетелде». «Евро-4 көлігі Евро-2 жанармайына қақалмай ма?». "Қытай үшін сен «Қу»-сың".

24 шілде 2013 09:17

ZHASALASH.KZ. «Қой – “брюсли”, сиыр – “алсу”, Асылжан– кiм?»- Бұл өткен жексенбi күнi Алматы iргесiндегi базарда бол­ған оқиға... Моловодное базары қазiр малға лық толыпты. Бiр қызығы, алушыдан сатушы көп. Берiсi Шелек, арысы Нарынқол мен Жаркенттен мал әкелгендер. Қатар-қатар сап түзеген жүк көлiктерiнiң арасында саудаласқан ел. Бiрақ малдың құны жоқ. Мысалы, iсек қойдың бағасы 20 мыңның маңы. Одан жоғары көтерсе, өтпейдi. Өйткенi алушының денi – алыпсатар. Жанын жеп жүрiп мал өсiрген қыр қазағын жаңағыдай сөзбенқ ажайтындар да– солар.

«“Ресейге сатылған күштiк құрылымдардың құрбаны болдым” дейдi президенттерге хат жазған сарапшы» - 2011 жылы қаржы полициясының айыпта­уымен тұтқындалған халықаралық терроризм мәселелерi жөнiндегi тәуелсiз сарапшы Әдiл Мұқашевтың президентке жазған хаты жақында guljan.org сайтында жарық көрдi. Сондай-ақ, онда Reuters тәрiздi белдi халықаралық ақпарат құралдарына сұхбат берiп жүрген сарапшының Ресей президентi В.Путин мен АҚШ президентi Б.Обамаға жолдаған хаттарынан үзiндi келтiрiлген. Жазғандарына қарағанда, Мұқашевтың бiлмейтiнi жетi қат жердiң астында дерсiң. Оның өзi де “тым көп ақпарат бiлгенiм үшiн тұтқынға алындым” дептi.

«“Төтенше депортацияның артында қазақ шенеунiктерiне жағыну тұр”» - Шалабаеваның депортациясынан шу шыққанына қарамастан, Италияның iшкi iстер министрi Анджелино Альфано қызметiн сақтап қалды. Жұма күнi вице-премьер әрi министр Альфаноның отставкасын дауысқа салған Италия сенаты Альфано қызметiнде қалуы тиiс деп ұйғарды. 226 сенат депутаты Альфаноны қолдап дауыс бердi, 55-i қарсы шықты.

AZATTYQ.ORG. «Зимановтың ұлы - түрмеде, немерелері – шетелде» - «Мұхтар Зиманов ісінің» назарға ілігуіне әкесінің Қазақстан конституциясы авторларының бірі болғаны ықпал етті. Зимановтар әулеті «зиялылардың елден кетуінің» классикалық үлгісіне де айналған.

«Қазақ-қырғыз кездесуі жер дауын талқылап жатыр» - Бішкекте Қазақстан мен Қырғызстанның үкімет комиссияларының кездесуінде екі елдің шекарасындағы жер дауына қатысты мәселе де қаралып жатыр.

«Экс-депутат ауған әйел бассауғалауға мәжбүр» - Ауғанстандық құқық қорғаушы әйел Нурзия Атмар зәбір көрген жандарға арналған орынды паналап отыр. Оның тағдыры Ауғанстандағы әйелдердің шатқаяқ жағдайына мысал болады.

«Астананың жауабы мен италиялық актердің әжуасы» - Италиялық Corriere della Sera газеті Қазақстан үкіметіне жолдаған сауалдарына жауап алғанын жариялады. Астана белгілі бір шартпен Мұхтар Әблязовтың әйелін қайтара алатынын мәлімдеген.

AIKYN.KZ.«Девальвация: себеп пен салдар» - Үстіміздегі ай басталғаннан бері доллар мен евро 3 теңгеге қымбаттады. Сөйтіп, ұлттық валютамыз біраз девальвацияға ұшырады. Себеп не? Әуелі соған жауап берейік.

Әлқиса, бұл жағдайдың бірден-бір се­бепшісі – Кедендік одақ бойынша басты әріп­тесіміз Ресей Федерациясы рублінің құн­сыздануы. Өйткені одаққа мүше мем­лекеттер валюта нарқын белгілеуде бір­лескен шешіммен жұмыс істеуге келіскен болатын. Ал рубль негізінен валютаның сыртқа мол кетуі есебінен құнсызданғанын Ресей сарапшыларының өздері айтуда. Жыл басында Ресей Федерациясының валюталық қорында 550 миллиард долларға жуық қазына болса, қазір содан қалғаны 505 миллиард доллар ғана. Қысқасы бақандай 45 миллиард доллар елден кетіп қалған.

ALASHAINASY.KZ. «Көз ілмейтін түн баласының табысы қайда?» - Түнгі ауысымда көз шырымын алмай жұмыс істейтіндер бүгінде тұтас әлемдегі жұмысқа қабілетті жанның 25 пайызын құрайды екен. Яғни әрбір төртінші жұмысшы түнгі уақытта еңбек етеді. Статистикалық деректер қазақстандықтардың да бұл тізімнің бел ортасында екенін көрсетеді. Еліміздегі «түнгі қызметкерлердің» жартысына жуығы 14-тен 35 жас аралығындағы жастар көрінеді.

«Жол апаттары 49%-ға көбейіп кетті» - Елімізде жол-көлік оқиғаларының саны өткен жыл­ғыдан 49%-ға көбейіп кетті. Қайтыс бол­ған­дар­дың саны 5%-ға, жарақат алған аза­маттардың қатары 59%-ға артып отыр. Бұл туралы ҚР Ішкі іс­тер министрлігінің Жол полициясы комитеті ха­бар­лады.

«Евро-4 көлігі Евро-2 жанармайына қақалмай ма?» - Тар­қатып айтар болсақ, ағымдағы жылдың шіл­­де айынан бастап ел аумағына тек Ев­ро-4 стандартына сай автокөліктерді ға­на әке­луге рұқсат ететін заң күшіне енді. Алай­да ол көліктерге соған сай жанармай қа­жет екенін ұмыт қалдырған сияқтымыз. Өйт­­­кені Қазақстанда тек Евро-2 стан­дар­ты­на сәйкес жанармай ғана шы­ға­рыл­са, Қытайдан жеткізілетін жанармай Евро-3 стандартынан аспайды. Сондықтан Ев­ро-4 стандартына сай жанармай үшін Ре­сейге алақан жаюға мәжбүрміз.

SHYN.KZ.«Ақша қайда? Жастар қайда?» - «Жастарға ақша бөлініп жатыр» деген жалпылама жақсы сөз бар. Ал, ол қаржы қайда жұмсау үшін беріледі? Жастардың мәдениетіне ме, әдебиетіне ме? Бәлкім, толыққанды жұмыспен қамтылуына шығар? Қайдам! Олай еткен болса, базарда тәшкі итеріп, көшеде көлік жуып тұрған қазақтың қара күш ұлдары әлдеқашан-ақ мұртымен май былғап отырар еді.

BNEWS.KZ. «Интеграцияны жасанды жолмен жылдамдату жекелеген елдерге тиімсіз" - Еуразиялық одақ – ел тарихындағы ең ауқымды қаржы-экономикалық дағдарысқа тұспа-тұс келген мега жоба. Сондықтан интеграцияға мүше мемлекеттердің әрбірінде іс-қимылдардың айқын стратегиясы болуы керек. Біздегі жағдай қалай, бәсекеге қабілетті ме? Кімге тиімді?

MASA.KZ. «Қытай үшін сен «Қу»-сың» - Бейжіңді қалдырып қойып «қыдырудан» («Бейжің тұра береді, біз жүре береміз» дейді қытайлар) жалықпайтын  Жүңго жүмриятының «ерікті жұмысшылары» Қазақстанды тұрақты мекен ете бастағаны туралы деректер мол. Осындай жауапсыз көші-қонға Қазақстан емес, Қытай өкіметі тыйым салғалы тұр.

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

1298 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4