Атырауда​ тарихты еске салар ақша жәдігерлерінің​ көрмесі өтіп жатыр

Бүгін, 15 қараша - Ұлттық валюта күніне орай Атырау облыстық тарихи өлкетану музейінде көрме ашылды.     

Ол елімізде әр жылдары қолданыста болған ұлттық валюта - теңгеге және әр елдің қағаз, тиын ақшаларына арналған. 

Көрмеге музей қорындағы тәуелсіздік тарихындағы тұңғыш шыққан банкноттар мен монеталар, XVIII-XX ғасырларда қолданыста болған ақшалар коллекциясы, әлемдік валюталар, сонымен қатар патшалық Ресей, КСРО кезіндегі ақшалардан құралған 80-нен астам жәдігер қойылған. 
        
Ұлттық валютаның шығу тарихы мен оның ел экономикасында алатын орнын көпшілікке  насихаттау мақсатында ұйымдастырылып отырған көрме 18 қарашаға дейін музей көрермендерінің назарына ұсынылатын болады.

Нұрбейбіт НҰҒЫМАНОВ