​«Қаражанбасмұнай» АҚ бас директорының орынбасары тағайындалды

«Қаражанбасмұнай» АҚ Директорлар Кеңесінің шешімімен Бас директордың коммерциялық мәселелер жөніндегі орынбасары лауазымына Мұхаметжан ТӨЛЕНДІҰЛЫ тағайындалды.

Ол 1985 жылы 9 желтоқсан күні дүниеге келген. Қ.И.Сәтбаев атындағы Қазақ Ұлттық техникалық университетінде «Мұнай және газ кен орындарын игеру» мамандығын үздік тәмамдап, Д.Қонаев университетінде «Құқықтану» мамандығы бойынша білім алған.

Еңбек жолын 2009 жылы «ТрансАзиянефть» ЖШС-де менеджер болып бастаған. 2011-2023 жылдар аралығында «ӨзенМұнайГаз» АҚ-да инженер, аға инженер, сатып алу бөлімінің басшысы, департамент директоры, Бас директордың коммерциялық мәселелер жөніндегі орынбасары қызметін атқарды. Жаңа лауазымға дейін «АТТМ ГРУПП ҚҰРЫЛЫС КОМПАНИЯСЫ» ЖШС-де директордың өндіріс бойынша орынбасары болып жұмыс істеді.