В Атырау
+5 
Бесікті ауылындағы ашылу салтанатына облыс әкімінің орынбасары Дарын ШАМҰРАТОВ, қалалық білім бөлімінің басшысы Айнагүл ДҮЙСЕКЕНОВА және ауыл тұрғындары қатысты.
Екі қабатты жаңа ғимаратта асхана, гимнастика және музыка сабағын өткізуге арналған залдар мен жатын бөлмелер бар. Мұндағы ойын және спорт алаңдары жол жүру ережелерін үйретуге арналған алаңқаймен қамтылған. Жаңа нысан толықтай заманауи құралдармен жабдықталған. Тапсырыс беруші - облыстық құрылыс басқармасы. Мердігер мекеме - «ARSM» ЖШС.
Балабақшада 2 жастан 5 жасқа дейінгі балаларға арналған 4 топ бар. Әрқайсысы 25 орынға есептелген.
- Кезекте тұрған тәрбиенушілер саны жылдан жылға көбеюде. Осы орайда жаңадан беріліп жатқан білім беру ұйымдары бұл мәселені кезең кезеңімен шешуге мүмкіндік береді, - деді қалалық білім бөлімінің басшысы А. Дүйсекенова.
Жыл соңына дейін 610 орындық 4 мемлекеттік балабақша ашу жоспарланған. Қазір облыста 35 437 баланы қамтитын 337 мектепке дейінгі мекеме жұмыс істейді.
Нұрбейбіт НҰҒЫМАНОВ