В Атырау
+2 
Дүйсенбі кешкісін Амстердам орталығында жаппай шеруге тыйым салынғаннан кейін жаңа тәртіпсіздіктер басталды, деп хабарлайды Ulysmedia.kz.
МӘН-ЖАЙЫ
Euronews.com сайтының жазуынша, қала орталығына полиция топтастырылып, жағдайды бақылауға алу үшін тікұшақ тартылған.
Әлеуметтік желілерде бұл топтарды палестиналық қозғалыстармен байланыстырып жатыр. Олар құқық қорғаушылармен қақтығысқа түсіп, тәртіпсіздіктер кезінде трамвайды өртеді, жақын маңдағы көліктер мен дүкендердің терезелеріне зақым келтірген.
ШИЕЛЕНІС
Жағдай Nieuw-West алаңында шиеленісті. Адамдар фэтбайктар мен скутерлерге мініп шулап жүр. Полиция оларды алаңнан ығыстыруға тырысып жатыр. ANP мәліметіне сәйкес, ерелуілшілер арасында «Палестинаға бостандық» сияқты ұрандар айтуда.
ПОЛИЦИЯ ӘРЕКЕТІ
Күш құрылымдары өкілінің сөзінше, полиция топты таратып жатыр. Трамвайдағы өрт кезінде ешкім зардап шекпеген. Өрт сөндірілген. Кей жерлерде вандализм деректері тіркелді. Кейбіреулер тұтқындалды, әзірге нақты саны белгісіз.
ТӘРТІПСІЗДІК СЕБЕБІ
Амстердамдағы тәртіпсіздіктер мен наразылық шаралары жұмаға қараған түні Аякс пен Маккаби-Тель-Авив арасындағы футбол матчы аяқталғаннан кейін басталып, содан бері тыйылмай тұр. Осыған дейін оншақты адам қамауға алынған.