Атырауға бір топ қоқиқаз ұшып келді

Олар Жайық өзенінің сол жақ жағалауында сарқынды су құйылатын «Сасық сай» булану алаңына қонды, - деп хабарлайды өңірлік коммуникациялар қызметі. 

Мамандардың айтуынша, қызыл кітапқа енген құстардың қаланың дәл осы жерін таңдауына себеп көп. 

- Қазіргі уақытта «Сасық сай» және «Квадрат» булану алаңдарын қалпына келтіру жұмыстары жүріп жатыр. Бұдан бөлек, қаланың сол жағалауындағы кәріздік тазарту қондырғысының құрылысы аяқталды. Бұл аймақтың экологиялық жағдайының жақсаруына көмектеседі. Бұл жерде қоқиқаздарға қорек болатын ұсақ шаянтәрізділер бар деп болжауға болады, - деді сол жағалау кәріз тазалау құрылыс басшысы Бауыржан АХМЕТ.

Қазір қаланың сол жағалауындағы сарқынды суларды тазарту жұмыстары жүзеге асырылуда. Сол жақ жағалаудағы үйлердің кәріз суы кәріз тазалау құрылысына (Левый КОС) барады. Одан соң тазартылған суды булану алаңына жібереді. Оның бір күнде 70 мың текше метр суды тазартуға мүмкіндігі бар.