«​Бұл жердегі бейне айқын емес» - Сәтқалиев Қашаған мұнайының төгілуі туралы

Энергетика министрі Алмасадам Сәтқалиев Каспий теңізіне мұнай төгілгені расталмағанын мәлімдеді. Десе де акваторий аймағы тексеріліп, су сынамасы алынған, деп хабарлайды kz.kursiv.media.

«Қазіргі кезде бұл ақпаратты тексеріп жатырмыз. Яғни ғарыш кеңістігінен түсірілген суретке сарапама жүріп жатыр. Бұл жердегі бейне айқын емес, табиғи құбылыс ретінде байқалып тұр. Бүкіл акваторий бойынша су сынамасы алынған. Әзірге мұнай төгілгені расталмады. Ол жақта әлі экологтар жұмысын жалғастырады»,- деді министр.

Сәтқалиев жер серігі суретінде көрсетілген аймаққу су көлігімен барып, сынамалар алынғанын айтады. Егер қажет болса, аймақты мамандар әуе көлігімен шолып шығады.