Байланыс маусымда қосылады

– Неліктен «Қазақтелеком» АҚ Атырау ОТД-ның Самал ықшамауданынан оптикалық-талшықты телефон желісін орнатуға асықпай отырғанын анықтауға қол ұшын берсеңіздер екен. Біз жұмыстардың қабылдануын және ресми түрде іске қосылуын көптен күтіп жүрміз (телефон желісіне өтінішіміздің берілгеніне көп болды). Сонда «Қазақтелеком» басшылығының клиенттердің көбеюіне мүдделі болмай отырғаны ма?

azh.kz сайтынан

Сұраққа Атырау облыстық телекоммуникациялар дирекциясының жұртшылықпен байланыс, жарнама және корпоративтік портал жөніндегі маманы Жанар БІЛӘЛОВА жауап берді:

– Атырау ОТД абоненттер санын көбейту және телекоммуникациялар қызметін пайдалану жағдайын жақсартудың мақсаттық жұмыстарын жүргізуде. Самал ықшамауданында оптикалық-талшықты байланысты қосу жұмыстары бекітілген кесте бойынша – ағымдағы жылдың маусымынан бастап жүргізіледі.