В Атырау +1 
«ҚазМұнайГаз» ҰК АҚ (ҚМГ) Басқарма Төрағасының орынбасары Дәулетжан Хасанов 2024 жылдың 30 қаңтарынан бастап қызметінен кетті. Сондай-ақ, ол «ҚазМұнайГаз» ҰК АҚ Ақтау қаласындағы өкілдігінің директоры лауазымындағы жұмысын да аяқтады, деп хабарлайды ҚМГ баспасөз қызметі.
Д.Хасанов мұнай барлау және өндіру блогына жетекшілік еткені айтылды.
«ҚазМұнайГаз» ҰК АҚ Басқарма төрағасының орынбасары қызметіне Нұрсейіт Союнов тағайындалды, сондай-ақ оған «ҚазМұнайГаз» ҰК АҚ Ақтау қаласындағы өкілдігі директорының міндеттері қоса жүктелді. Бұған дейін ол «Қаражанбасмұнай» АҚ Бас директоры қызметін атқарған.
Әр жылдары «Өзенмұнайгаз» АҚ, «ҚазМұнайГаз» БӨ» АҚ, «Өзенмұнайсервис» ЖШС, «Урал Ойл энд Газ» ЖШС мекемелерінде басшылық қызметтер атқарған. Еңбек жолын 2001 жылы «Өзенмұнайгаз» АҚ оператор болып бастаған.