Алматы облысындағы Ұйғыр орталық облыстық ауруханасының есепшісі 90 миллион теңгені жымқырғаны үшін 7 жылға сотталды, деп хабарлайды “Адырна” ұлттық порталы.

Облыстық прокуратураның мәліметінше, бұл қаражатты кәсіпкерлер келісімшарттардың орындалуына кепілдік ретінде аурухананың банк шотына салған.

Ал аудандық ауруханада есепші болып жүрген азаматша Д. ақшаны жеке шотына аудару арқылы жымқырған.

«Заңнамаға сәйкес, мердігерлер тапсырыс берушілердің шоттарына шарттық міндеттемелердің орындалуын қамтамасыз ету болып табылатын шарт құнынан 3% ақшалай қаражат енгізеді. Бұл ақша мемлекеттік сатып алу бойынша міндеттемелер орындалғаннан кейін кәсіпкерге қайтарылады», - деді прокуратурадан.