​Алматыда «қаңтар оқиғасында» ұрланған​ қару жасырылған орын анықталды​

2024 жылғы 24 қаңтарда Ұлттық қауіпсіздік комитеті Алматы қаласында қару арсеналы жасырылған орынды анықтады, деп хабарлайды ведомствоның баспасөз қызметі. 

«Калашников» автоматтарын, тапаншалар мен мылтықтарды қоса алғанда 30 бірлік қару-жарақ, сондай-ақ 5 граната, 10 түтіндету құтысы және әртүрлі калибрдегі 221 патрон алынды. Алдын ала деректер бойынша, табылған қару «қаңтар оқиғалары» кезінде ұрланған. Сотқа дейінгі тергеп-тексеру жүргізілуде.