2023 жылдың қаңтар-қараша айларында Қазақстанда мақта-мата өндірісі өсті. Көрсеткіш 2022 жылдың сәйкес кезеңімен салыстырғанда 82,9% артық. Аталған өнімнің 20 млн шаршы метрі шығарылды, деп жазады Қазинформ.
Сонымен қатар аталған мата түрінің импорты да өсті — 36,6%.
Яғни, өткен жылдың 11 айында 140,5 млн шаршы метр өнім импортталған (102,9 млн шаршы метр — 2022 жылғы қаңтар-қараша).
Сырттан әкелінген өнімнің нарықтағы үлес салмағы — 87,5%.
Өткен жылдың қаңтар-қараша айларында 3,9 млн шаршы метр мақта-мата экспортталған.