Тоқаев Ұлттық қорғаныс университеті басшысын ауыстырды

Асқар Мұстабеков Қазақстан Республикасы Ұлттық қорғаныс университетінің бастығы лауазымына тағайындалды, - деп хабарлайды Ақорда.

"Мемлекет басшысының өкімімен Асқар Досбосынұлы Мұстабеков Қазақстан Республикасы Ұлттық қорғаныс университетінің бастығы лауазымына тағайындалды", - делінген хабарламада.

Мемлекет басшысының өкімі бойынша, бұған дейін университет басшысы қызметін атқарған Лұт Сапуұлы Әлшекенов қызметінен босатылды.