Қазақстанға Башқұртстан басшысы келеді

23-24 қаңтарда Башқұртстан Республикасының басшысы Радий Хабиров Астанаға келеді, деп хабарлайды Қазақпарат.

Бұл жайында Сыртқы істер министрлігінің ресми өкілі Айбек Смадияров мәлім етті.

«Сапар аясында башқұрт делегациясы Қазақстан-Башқұртстан бизнес-форумына, сондай-ақ Қазақстан Республикасы мен Башқұртстан Республикасы арасындағы ынтымақтастықты дамыту бойынша жұмыс тобының отырысына қатысады», — деді ол.

Бұған дейін осы аптада елге ҚХР Бүкілқытайлық халық өкілдері жиналысы төрағасының орынбасары Хао Минцзин келетінін жазған едік.