Қазақ әдебиетіне өзіндік үлес қосқан жазушы, танымал қысқа әңгімелердің авторы Ғалымбек Елубай қайтыс болды, деп хабарлайды Azattyq Ruhy.
«Қазақтың Чеховы» атанған қабырғалы қаламгер Ғалымбек Елубай қаңтардың 6-сынан 7-сіне қараған түні өмірден өтті.
«Жақында ғана «Жүз жетінші көктем» кітабы жарық көрген жазушының Алаш мұрасын жинақтауда сіңірген еңбегі зор. Себебі ол 2010-2016 жылдары Шымкент қаласындағы саяси қуғын-сүргін құрбандары музейінде қызмет ете жүріп, Алаш қайраткерлерінің құнды еңбегі жарияланған «Ақ жол» газетін транскрипция жасап, 25 томдық кітаптың шығуына себепкер болды», - деп жазады жазушы туралы Аikyn басылымы.
Ғалымбек Елубай 40 жасқа қараған шағында өмірден озды.
Жазушы «Бүйі қаптаған жаз», «Тумай тұрып өлімге кесілгендер», «Құралай тышқанның боғы» сияқты әңгімелерімен танымал.