Еліміз бойынша жол қозғалысына қойылған шектеулер алынып тасталды

Қазіргі уақытта республикалық маңызы бар жолдарда қозғалысқа қойылған шектеулердің бәрі алынып тасталды, деп хабарлайды Azattyq Ruhy.

Бұл туралы «ҚазАвтоЖол» АҚ» ҰК хабарлады.

«25 желтоқсан, сағат 13.00-дегі ахуалға сәйкес республикалық маңызы бар автожолдарда көлік қозғалысына шектеу жоқ», - делінген хабарламада.

Бұған дейін хабарланған 3 облыстың республикалық маңызы бар автожолдарының 5 учаскесінде ауа-райының жақсаруына байланысты көлік қозғалысы қайта жанданды.