​Облыста бірқатар жол жабылды

Бұл туралы Атырау облысы полиция департаменті хабарлайды.

17 желтоқсан күні сағат 15:00-ден бастап ауа-райының қолайсыздығына байланысты республикалық маңызы бар Доссор-Құлсары-Бейнеу тас жолының 126-210 шақырым аралығында көлік құралдарының барлық түрлеріне шектеу енгізілді. Атырау-Индер тас жолының 17-170 шақырым аралығы да жабық. 

Полиция облыс аумағында қалың қар түсіп, көктайғақ болуына байланысты барлық жол қозғалысына қатысушылардан жол ережесін қатаң сақтау қажеттігін ескертеді.