Спорт жаңалықтары

Кекушинкайдан әлем чемпионатында «Намыс» клубының бапкері Мұрат Жолдасовтың шәкірттері тамаша өнер көрсетті.

12-13 жас аралығында 55 келіден жоғары салмақта Аян Ибрагим чемпион атанса, 42,5 келіге дейінгі салмақта Аянның құрдасы Елемес Нұржан вице-чемпион мәртебесін жеңіп алды.

Турнир барысында Аян 4 жекпе-жек өткізді. Алғашқы екі жекпе-жегінде ол Сауд Арабиясы мен Иордания спортшыларын басымдылықпен жеңді. Ол үшінші жекпе-жегінде ресейлік боксшымен өткен өте қиын жекпе-жекте жеңіске жетті.

Финалда ол тағы бір қазақстандық – астаналық спортшымен кездесіп, қосымша уақытта төрешілердің бірауыз шешімімен алтын алқаға қол жеткізді.

Нұржан өз кезегінде 3 жекпе-жек өткізген. Алғашқы белдесуінде ол қырғызстандық қарсыласынан басым түсті. Екінші белдесуде атыраулық клубтас әріптесін жеңді. Финалда жеңіске сәл жетпей, алматылық отандасынан ұтылды.

- Біз бұл чемпионатқа 8 жыл бойы дайындалдық, - деді турнир соңында Республикалық кекушинкай каратэ-до федерациясының облыстық филиалының президенті М.Жолдасов.

***

1-4 желтоқсанда Астанада таэквондодан VI спартакиада өтті. 

Облыс құрамасы 2 алтын, 6 қола алқа жеңіп алды. Мария Севостьянова (57 келіге дейін) мен Нұрай Хусайнова (67 келіге дейін) мықтылар мәртебесін растады. Команданың қалған мүшелері де: Нұрай Бауыржанова, Жадыра Хайруллина Диана Әбсенова, Серік Артур, Мерген Ғаниев және Нұрбол Ерсайынов өз салмақ дәрежелерінде сәтті өнер көрсетті.

***

Қыркүйек айында Астанада ҚР ұлттық спорт түрлерінен халықаралық фестиваль өтті. Турнирге 20-дан астам елден өкілдер қатысты.

Атырау облысының дәстүрлі садақ ату федерациясы – «Батухан жебесі» шәкірттері Алматыда өткен ҚР чемпионатында 1 алтын, 2 күміс, 2 қола медаль жеңіп алып, тағы да танымал болды.

Атырау облысы құрамасының қоржынында 1 алтын, 2 күміс және 1 қола бар, бұл жалпы командалық 2-орынға шығуға мүмкіндік берді.

«Келесі жылы бізді өте маңызды турнирлер күтіп тұр. Президент Қ.К.Тоқаевтың бастамасымен қыркүйек айында Дүниежүзілік көшпенділер ойындары өтеді, оның регламентінде дәстүрлі садақ ату жарысының маңызы зор», - деді «Батухан жебесі» федерациясының президенті Марат Бексұлтанұлы.

***

Атырауда садақ атудан «Алтын Орда» турнирі екінші рет өтпек.

Атыраулық Мұрат Ғабдусәлімов ұлттық спорт түрлерін дамытуға ынталы. Ол ересектер мен балалар үшін кәсіби түрде садақ жасайды. Белгілі болғандай, Мұрат аға садақ жасауға негізгі жұмысынан босай алмайды екен. Федерация ересектер мен балаларға арналған садақ пен жебелерді Венгрия мен Түркиядан әкелуді жоспарлап отыр. Бағасы 100-300 мың теңге аралығында болады.

Мұрат СҰЛТАНҒАЛИЕВ