Автобуста оқ атқан адам бұзақылығы үшін қамауға алынды

20 қарашада Теңіз кенішінен шыққан жұмысшыларды Құлсары қаласына тасымалдаушы автобуста оқ атылды, зардап шегуші бар.

Оқиға Жылыой ауданындағы Жаңа Қаратон ауылының тұсында болған. Жолаушылардың бірі салонда оқ атқан, бағына орай, оқ бір адамның бетін жырып өткен. Атырау облыстық полиция департаменті баспасөз қызметінің хабарлауынша, оқ атқан адам қамауға алынып, ҚР Қылмыстық кодексінің 293-бабы 4-бөлігі («Бұзақылық») бойынша тергеу амалдары жүргізілуде.

Ләззат ҚАРАЖАНОВА