В Атырау -2.1 
«Интер Майами» америкалық клубы мен Аргентина құрамасының шабуылшысы Лионель Месси FIFPro нұсқасы бойынша жылдың символикалық құрамына ең көп рет енген ойыншы атанып, абсолютті рекордын жаңартты. Бұл туралы Vesti.kz хабарлайды.
Халықаралық кәсіби футболшылар қауымдастықтарының федерациясы (FIFPro) әлемнің түкпір-түкпірінен 19 806 кәсіби футболшы қатысқан дауыс беру қорытындысы бойынша жылдың үздік құрамын жариялады.
39 жастағы аргентиналық футболшы үшін бұл — мансабындағы 18-ші рет символикалық құрамға енуі. Осы көрсеткіш бойынша Месси көшбасшылық орнын нығайтып, басты қарсыласы португалиялық Криштиану Роналдудан одан әрі ұзай түсті. Роналду бұл тізімге 15 рет енген. Үшінші орында испаниялық Серхио Рамос (11 рет) тұр.
FIFPro нұсқасы бойынша жылдың символикалық құрамының толық тізімі:
Қақпашы: Давид Райя («Арсенал»);
Қорғаушылар: Пау Кубарси («Барселона»), Ашраф Хакими (ПСЖ), Нуну Мендеш (ПСЖ);
Жартылай қорғаушылар: Джуд Беллингем («Реал» Мадрид), Родри («Барселона»), Витинья (ПСЖ);
Шабуылшылар: Эрлинг Холанд («Манчестер Сити»), Килиан Мбаппе («Реал» Мадрид), Лионель Месси («Интер Майами»), Ламин Ямаль («Барселона»).
«Алтын допқа» қатысты тосын жағдай
Дауыс беру қорытындысындағы басты тосынсый — «Алтын доптың» қазіргі иегерлерінің символикалық құрамға енбеуі. «Бавария» шабуылшысы Харри Кейн шабуылшылар арасында небәрі бесінші орынға (27,6% дауыс) ие болып, қорытынды құрамға кірмеді. Бұл — 2005 жылдан бері әлемдегі ең беделді жеке марапат иегері FIFPro құрамына енбей қалған алғашқы жағдай.
Ал Сауд Арабиясының «Әл-Наср» клубында өнер көрсететін Криштиану Роналду шабуылшылар арасында 8-орынға (13,2% дауыс) тұрақтады. Ол ПСЖ вингері Усман Дембеле (9,3%) мен «Барселона» шабуылшысы Рафиньядан (7,5%) жоғары нәтиже көрсетті.