Атырау облысы жолаушылар көлігі және автомобиль жолдары басқармасына жаңа басшы тағайындалды

1 176 просмотра

Бүгін, 26 қыркүйекте Атырау облысы әкімінің өкімімен жолаушылар көлігі және автомобиль жолдары басқармасы басшысының лауазымына Әлібек МҰХАНБЕТАЛИЕВ тағайындалды. Жаңа басшыны ұжымға облыс әкімінің орынбасары Қайрат НҰРТАЕВ таныстырып, абыройлы қызмет тіледі, деп хабарлайды Атырау облысы әкімінің баспасөз қызметі.

Әлібек Мұханбеталиев 1984 жылы Атырау облысында дүниеге келген. С.Өтебаев атындағы Атырау мұнай және газ университетінің «Автомобиль жолдары және аэродромдар құрылысы» мамандығын, Х.Досмұхамедов атындағы Атырау мемлеккеттік университетінің «құқықтану» мамандығын тәмәмдаған.

Еңбек өтілі:

Алғашқы еңбек жолын 2003 жылы бизнес саласында бастап, 2007 жылға дейін қызмет атқарды. 2007-2020 жылдар аралығында бюджеттік мекемелерде басшы лауазымдарда жұмыс істеген. 2020-2021 жылдар аралығында қалалық тұрғын үй-коммуналдық шаруашылығы, жолаушылар көлігі және автокөлік жолдары бөлімі басшысының орынбасары; 2021-2023 жылдар аралығында қалалық тұрғын үй-коммуналдық шаруашылығы, жолаушылар көлігі және автокөлік жолдары бөлімінің басшысы болды.

2023 жылдан бері қалалық жолаушылар көлігі және автомобиль жолдары бөлімінің басшысы қызметінде болды.

Атырау облысы әкімдігі ұсынған сурет

26 қыркүйек 2023, 17:41

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.