Сәйгүлік сәттілік пен көлік сыйлады

Батыс Қазақстан облысына қарасты Шыңғырлау ауданының құрылғанына биыл 95 жыл. Осы мерейтойға орай облыста 23 қыркүйекте аламан бәйге өтті.

Шашасына шаң жұқтырмас сәйгүліктер 27 шақырымға шапты. Нәтижесінде, Құрманғазы ауданы, Орлы ауылының тұрғыны Хамит АЛТЫНБЕКТІҢ "Қарақұс" атты тұлпары бас жүлде – «LADA Granta» көлігін жеңіп алды. 

Ат жалын тартып мінген шабандоз Еркеш те, сәйгүлігін сүт беріп, сұлы беріп баптаған Мерей де ортақ жеңіске дән риза. Атбегілерге аттарыңыз сүрінбесін деп тілейміз!

Ләззат ҚАРАЖАНОВА