В Атырау
+5 
Жылыой ауданының бас полицейі Ринат Икласов қоғамдық тәртіптің маңызын мәлімдеді.
«Жылыой ауданы Құлсары қаласында орын алған құқық бұзушылықтарға байланысты қоғамдық тәртіп пен қауіпсіздікті қамтамасыз ету мақсатында полиция тарапынан тиісті іс-шаралар кешені жүзеге асырылуда.
Жергілікті атқарушы органдар, ата-аналар мен оқушыларға үздіксіз түсіндірме жұмыстары жүргізілуде. Сондай-ақ, әлеуметтік желілерде қандай да бір ақпараттар таралған жағдайда ресми дереккөздерге сүйену керектігін ескертеміз.
14-17 қыркүйек аралығында Жылыой ауданында "Құқықтық тәртіп" жедел-профилактикалық іс-шарасы өткізілуде», - деп хабарлады Р. Икласов бейнеүндеуінде
Еске салсақ, 5 қыркүйекте Құлсары қаласындағы көпқабатты үйлердің бірінің жанында топтық төбелес болған еді.
Полиция департаментінің мәліметінше, барлық қатысушылар ұсталып, полиция бөліміне жеткізілді. Бұл оқиға бойынша тергеу басталды.