Атыраулық студент Польшада өткен халықаралық чемпионатта жеңімпаз атанды

Атырау политехникалық жоғары колледжінің студенті Ерасыл Бағытжан Гданьск қаласында (Польша) өткен «Euroskills-2023» халықаралық чемпионатында жеңімпаз атанды.

Білім беру басқармасының хабарлауынша, жерлесіміз «CAD инженерлік графикасы» компетенциясына қатысып, «Үздік маман» және «Ұлт мақтанышы» медалін жеңіп алды.

Ерасыл қазір колледждің «Электрмен қамтамасыз ету» мамандығының 4-курс студенті.

Облыс әкімінің орынбасары Жасұлан Бисембиев чемпионат жеңімпазымен кездесіп, Ерасылға Алғыс хат табыс етті.

Халықаралық конкурсқа 32 елден 600 жас маман қатысты.