Атырауда №6 сүзгі станциясы салынады

Келесі су тазарту нысанын Бірінші учаскедегі Белинский көшесінде салу жоспарланған.

«АЖ»-ға Атырау қаласы әкімдігі хабарлағандай, жұмысқа тапсырыс беруші - қалалық құрылыс бөлімі. Жаңа станцияның қуаты тәулігіне 60 мың текше метрді құрайды. Қазіргі уақытта «ҚазақСуКаналЖоба» АҚ мамандары 29,7 млн теңгеге жобалық-сметалық құжаттаманы, сондай-ақ сумен жабдықтау және су бұру жүйесін салу үшін техникалық-экономикалық негіздемесін әзірлеуде (мұнымен «Redline Pro» ЖШС айналысуда, бөлінген сома 68,6 млн теңге). Станция құрылысы келесі жылы басталып, 2025 жылы пайдалануға беріледі деп жоспарланып отыр.

Сондай-ақ, былтыр жергілікті билік қала іргесіндегі Береке ауылында орналасқан «Бергей» тұсындағы сақалды құрылыс - №5 сүзгі станциясын (қуаты тәулігіне 50 мың текше метр) аяқтауды қолға алғанын еске саламыз. Жалпы, 15 жыл ішінде бұл су тазарту нысанының құрылысына қарапайым есеп бойынша 13 миллиард теңгеден астам қаржы жұмсалған.

Мұндай қомақты сан, атап айтқанда, қазынаны жымқыру, жобалық-сметалық құжаттаманы кейіннен түзету, «салынып» үлгерген құрылысты қайта жарақтау қажеттілігі, сондай-ақ Жайықтағы су деңгейінің төмендеуіне байланысты қалқымалы сорғы станциясын салуға байланысты пайда болған.

Лев ГУЗИКОВ