Атырауда BINOM мектептеріне оқушылардың құжаттарын қабылдау уақыты жарияланды

BINOM-ға 1-11 сынып оқушыларын қабылдау 20 шілдеде басталады.

Атыраудағы BINOM өкілдерінің айтуынша, өтініштер сыныптар бойынша кезең-кезеңімен қабылданады:

20, 21 және 24 шілдеде 1-4 сыныпқа; 2-4 тамызда – 5-9 сыныпқа; 14, 15 тамызда – 10 және 11 сыныптарға оқушыларды қабылдау жүргізіледі.

1-8 сыныптарда қазақ, орыс тілдерінде; 9-11 сыныптарда қазақ тілінде оқытылады.

Өтініштерді қабылдау онлайн форматта жүзеге асырылады.

Өтініш беру үшін https://mektep.snation.kz порталы арқылы төмендегілерді жасау керек:

1. Тіркелу;

2. Негізгі бетте «BINOM» бөлімін таңдаңыз. 1-сыныптар үшін «Мектепке қабылдау», 2-11-сыныптар үшін «Мектептер арасындағы ауыстыру» бөлімін таңдаңыз. Қызметпен танысыңыз. Қызметке онлайн тапсырыс беріңіз;

3. Өтінішті электронды түрде толтырыңыз. Оқыту тілін және бала оқитын сыныпты таңдаңыз;

4. ҚР БҒМ бұйрығына сәйкес келесі құжаттардың көшірмелері (сканерленген, фотосуреттері) жалғау керек:

* баланың туу туралы куәлігі;

* 3х4 см өлшемді фотосурет;

  * Екпе картасы (№065/063) - медициналық құжаттың алғашқы 3 бетінің көшірмелерін жалғау жеткілікті).

  * Денсаулық паспорты (№026) – медициналық құжаттың алғашқы 3 бетінің көшірмелерін жалғау жеткілікті.

Назар аудару керек нәрсе: егер соңғы айда тіркелген жеріңізді өзгертсеңіз, «мекенжайды жаңарту» түймесін басуды ұмытпаңыз. 1-3 күн ішінде кезектілік тәртібімен Сіздің жеке кабинетіңізге өтінішіңіздің мәртебесі өзгергені туралы хабарлама келеді.

Өтініштер дүйсенбіден жұмаға дейін сағат 10.00-ден 17.00-ге дейін өңделеді. Сайт демалыс күндері жұмыс істемейді.

Атыраудағы жаңа BINOM мектептеріне қатысты мекенжайлардың толық тізімін Instagram парақшасынан табуға болады. Оқушыларды қабылдау тіркелген мекенжайға сәйкес жүргізіледі.

Дайындаған Ләззат ҚАРАЖАНОВА