Жоғалып кеткен "Титан" батискафында бірер сағатта оттегі қоры таусылады

Атлантикада жоғалып кеткен туристік батискафта бірер сағатта оттегі қоры таусылуы мүмкін, - деп хабарлайды Tengritravel.kz.

Билік өкілдері бастапқыда оттегінің 96 сағатқа жететіні туралы айтқан еді - суға түскеннен кейін төрт тәулік АҚШ-тың шығыс жағалауының уақыты бойынша бейсенбіде аяқталады. Алайда, мамандар оттегіні біршама уақытқа созуға болатынын да айтады.

Жағалау күзетінің мәліметінше, қазіргі уақытта іздеу-құтқару жұмыстары екі акваторияда жүргізіліп жатыр. Оған АҚШ, Канада, Ұлыбритания және Францияның ондаған сүңгуір кемелері, тереңге жүзетін аппараттар және ұшақтар жұмылдырылған.

"Іздеу және құтқару туралы айтылғанда барынша оптимизм сақтау керек", - деді журналистерге операцияның өкілі Джейми Фредерик.

Канадалық кемеге қарсы P-3 ұшағы су астынан дыбыстарды естігеннен кейін жақсы жаңалық болады деген үміт пайда болды. Құтқарушылар осы аймақты тексеріп жатыр, алайда Фредериктің айтуынша, нәтиже әзірге жоқ. Құтқарушылар дыбыстың типін анықтай алмай жатыр, ол батискаф бортының сигналы болмауы да мүмкін.

Туристік аппарат "Титаник" қалдықтарын көру үшін түсірілген - әйгілі кемес 1912 жылы солтүстік Атлантикада 3,8 шақырымға батқан. Америкалық OceanGate Expeditions компаниясына тиесілі батискаф бортында оның құрылтайшысы Стоктон Раш, терең суларды зерттеу ардагері, франциялық Поль-Анри Наржеоле, ұлыбританиялық миллиардер әрі ғарышқа ұшқан турист Хамиш Хардинг, пәкістандық кәсіпкер Шахзада Давуд және оның ұлы Сулейман бар.

OceanGate Expeditions компаниясы "Титаникке" жеткікүндік экскурсияны жарнамалаған кезде құны бір адамға 250 мың доллар болған.