Тепкілеген соң қашып үлгермеді

1 408 просмотра

Әлеуметтік желіде Атырауда жасөспірімді топ болып ұрып-соғып жатқан видео пайда болды. Полиция департаментінің баспасөз қызметінің бізге хабарлауынша, 18 маусымға қараған түні сағат 01:30-да полицияға бір топ жасөспірім көпірлердің бірінің маңында төбелесу үшін жиналғаны туралы сигнал түскен. Нәтижесінде 13 адам №1 қалалық полиция бөліміне жеткізілді.

Полицияның мәліметінше, оларда ешқандай дене жарақаты болмады.

11 жасөспірімге қатысты Р ӘҚБтК-нің 442-бабының 2-тармағы («Кәмелетке толмағандардың заңды өкілдерінің еріп жүруінсіз сағат 22-ден таңғы 6-ға дейін тұрғынжайдан тыс жерде болуы») бойынша хаттамалар жасалды, 334-бап («Ұсақ бұзақылық») бойынша тағы екі хаттама толтырылды.

- Іс материалдары шешім шығару үшін әкімшілік сотқа жолданды. Ата-аналарына түсіндіру жұмыстары жүргізілді, - деп хабарлады ПД баспасөз қызметі.

Айнұр САПАРОВА

20 маусым 2023, 16:07

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.