Әзербайжан мен Армения аптаны атыстан бастады

Өткен түнде Әзербайжанның Қарулы Күштері Сотка (Гегаркуник облысы) мен Ерасха (Арарат облысы) аймағындағы армян позицияларына оқ жаудырды, деп хабарлайды Inbusiness.kz Армения Қорғаныс министрлігінің баспасөз қызметіне сілтеме жасап.

"00.45-тен 02.20-ға дейін Әзербайжан Қарулы Күштерінің бөлімшелері шекараның Шығыс (Сотк) және оңтүстік-батыс (Ерасх) бағыттарында орналасқан армян позицияларына әр түрлі калибрлі қару-жарақтан оқ жаудырды", — делінген хабарламада.

Армян тарапынан қаза тапқандар не зардап шеккендер жоқ, деп хабарлады әскери бөлім.