Қарақұрт мал түгілі адамды шағып жатыр

Индер ауданы әкімшілігінен алынған ақпарат бойынша, мамыр-маусым айларында 9 адамды қарақұрт шаққан. Үшеуі ем алып шықты, алтауы әлі емделіп жатыр (оның екеуі ауыр жағдайда).

Ветеринария мамандары 40 бас түйені шаққанын, оның 2-уі өлгенін хабарлады. Қарақұрт Елтай, Көктоғай, Бөдене ауылдарында кең етек алған. 

"АЖ" АНЫҚТАМАСЫ:

Қарақұрт - улы өрмекші тәрізділер тұқымдасына жатады. Адам мен жануарларға өздігімен тиіспейді. Уы жыландікінен де қауіпті. Қарақұрт шаққан адамды 10-15 минуттан кейін бүкіл денесі күйдіріп, іші, белі, кеуде бөлігінде қатты ауырсыну пайда болады. Адам мен мал өліп қалған жағдайлар бар.

Ләззат ҚАРАЖАНОВА