​Тұрмыстық саладағы құқық бұзушылықты арызсыз анықтау енгізіледі

Тұрмыстық саладағы құқық бұзушылықты арызсыз анықтау енгізіледі. Бұл туралы Үкімет отырысында ҚР Ішкі істер министрі Марат Ахметжанов айтты, деп хабарлайды ҚазАқпарат тілшісі.

«Отбасылық және зорлық-зомбылық үшін жауапкершілікті қатаңдату бойынша заңнамалық түзетулер енгізілуде. Тұрмыстық саладағы бұзушылықтарды арызсыз анықтау енгізіледі. Қазіргі таңда аталған түзетулер мүдделі мемлекеттік органдармен келісілді. Президент Әкімшілігіне қарауға енгізілді», - деді министр.

Оның атап өтуінше, интернет және телефон алаяқтықтарына қарсы іс-қимыл жөніндегі іс-шаралардың тиімділігін арттыру мақсатында, салалық бағдарлама бекітілді.

«Ауыспалы абоненттік нөмірлерден қоңырауларды бұғаттау тетіктері пысықталуда. 5,5 млн осындай қоңыраулар бұғатталды. Азаматтардың алаяқтарға қарсы сауаттылығын арттыру мақсатында ақпараттық түсіндіру жұмыстары жүргізілуде», - деді Марат Ахметжанов.