В Атырау +6.7 
Ең ірі өнім ұсынатын — КС Energy және «ҚазМұнайГаз» — қарашада Аи-92 маркалы бензин мен дизель отынының босату бағасын тоннасына 10 мың теңгеге қымбаттатуды жоспарлап отыр. Бұл туралы R1 Energy Group-тың отын шолуында айтылған, деп хабарлайды «Нефть и газ Казахстана».
Сарапшылар атап өткендей, жанар-жағармай бағасын мемлекеттік реттеу 2025 жылдың басында тоқтатылды. Автокөлік иелері үшін бағаның күрт өсуіне жол бермеу мақсатында ірі жанармай құю желісіне отын құнын кезең-кезеңімен көтеру ұсынылды. Кейін, 2025 жылдың қазанында инфляциямен күрес аясында Үкімет басшысы Аи-92 мен дизель бағасының өсуіне мораторий енгізуді тапсырды.
Қазір нарықтағы жағдай өзгеріп жатыр: Ұлттық банктің инфляцияның баяулауы мен базалық мөлшерлеменің төмендеуі туралы мәлімдемесі аясында көтерме сегментте отынның тоннасы бірден 10 мың теңгеге қымбаттауы әбден мүмкін болып отыр.
Бұл ретте сарапшылар көтерме бағаның өсуі бөлшек саудадағы бағаның автоматты түрде дәл солай қымбаттауына алып келмейтінін баса айтады.
«Елде жинақталған Аи-92 мен дизель отынының қоры, сондай-ақ тәуелсіз жеткізушілер тарапынан болатын бәсекелестік бөлшек сауда желісіндегі бағаның өсуін тежеуге және баяулатуға қауқарлы», — деп нақтылайды нарықты талдау мамандары.