15 қаңтарда сағат 14.32-де ТЖД диспетчеріне Индер ауданы Индербор кентінен Қонаев көшесі 17 мекенжайы бойынша мектеп шатыры, сондай-ақ 5 қабатты тұрғын үйдің шатыры бүлінгені туралы хабарлама түсті.
ТЖД қызметкерлері мектеп шатырының 828 шаршы метр алаңы ішінара бүлінгенін, ешкім зардап шекпегенін анықтады. Шатырды бекіту жұмыстары жүргізілді.
5 қабатты тұрғын үйде алаңы 974 шаршы метр шатыр ұшып кеткен. Ұшқан шатырдың бөлшектері электр бағанасын зақымдап, "Тойота-Камри 70" маркалы автокөлігінің үстіне құлаған. Қаза болғандар мен зардап шеккендер жоқ.
Атырау облысы ТЖД өңірде дауылды ескерту жариялануына байланысты қауіпсіздік шараларын сақтап жүруді ескертеді.
Дайындаған Ләззат ҚАРАЖАНОВА