“АЖ” редакциясына Балықшы ықшамауданында құрамында есірткі заттары бар дәрі еркін сатылып жатыр деген хабарлама түсті. Осыған қатысты Полиция департаментіне сұрау салдық. Бірнеше күннен соң бізге Балықшыда осындай дәрі-дәрмек сатып келген 37 жастағы әйелдің ұсталғанын хабарлады.
Тінту кезінде әйелден 160 пластина “Трамадол” және 150 тюбик “Тропикамид” өнімдері тәркіленген. Оған қатысты 70 АЕК мөлшерінде айыппұл қарастырылған ӘҚБтК-нің 426-бабы 1 тармағы ("Фармацевтикалық қызметтің және дәрілік заттар айналысы саласының қағидасын бұзу") бойынша хаттама толтырылды.
Айнұр САПАРОВА
Бейнежазбаны ПД ұсынды