В Атырау -10 
"ҚТЖ" ҰК " АҚ Қазақстанның барлық өңірлерінде төтенше жағдай кезеңінде жүк тасымалдауға байланысты айыппұлдарды, алымдарды және төлемдерді алып тастады, деп хабарлайды Zakon.kz.
"ҚТЖ" ҰК " АҚ-ның мәлімдеуінше, мұндай шешім "Темір жол көлігі туралы" ҚР Заңы аясында, "Атамекен" ҚР Ұлттық кәсіпкерлер палатасының үндеуін ескере отырып қабылданған.
Атап айтқанда, мыналар есептелмейді:
- жүк тасымалдау жоспары бойынша өтінімді орындамағаны үшін айыппұл;
- жүк жөнелтушілердің, жүк алушылардың, тармақ иеленушілердің, вагондар (контейнерлер) иелерінің кінәсінен болған, меншікті (жалға алынған) вагондардың бос тұрғаны, магистральдық, станциялық жолдарда контейнерлердің кідіргені үшін төлем.
Бұдан басқа, форс-мажорлық жағдайларға байланысты жүк алушыларға жүктің межелі станцияға келгені туралы хабарланған сәттен бастап 48 сағаттан артық тұрып қалған жүктерді сақтағаны үшін алым 10 еселік емес, бір еселік мөлшерде алынады.