​Мал іздеп, есірткіге тап болды

Құрманғазы ауданы полиция бөлімінің қызметкерлері есірткі шөбін заңсыз сақтағаны үшін  осы ауданның 46 жастағы тұрғынын ұстады. Оның үйінде 1 келіге жуық марихуанна шөбі табылды.

Бұл деректі полиция «Мал ұрлығы» жедел-профилактикалық іс-шарасы барысында анықтады.

- Күдіктінің тұрғылықты мекен-жайын қарап тексеру кезінде 1 келіге жуық марихуанна шөбі тәркіленді. Күдікті өз кінәсін толық мойындап, өзі пайдалану үшін сақтағанын айтты, - деп хабарлады полиция. Аталған дерек бойынша ҚР ҚК-нің 296-бабы 3-бөлігімен («Ірі мөлшерде есірткі, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау») сотқа дейінгі тергеп-тексеру жұмыстары жүргізілуде.

Дайындаған Айнұр САПАРОВА