В Атырау
+18 
17 қарашада Құлсары қаласында полиция қызметкерінің қатысуымен жол-көлік оқиғасы болды.
"Лада 21214" маркалы қызметтік көлікті басқарған Ювеналды полиция тобының инспекторы екінші дәрежелі жолда келе жатып басты жолда келе жатқан маркасы Toyota Alphard көлігіне жол бермей жол-көлік оқиғасын жасады. Сот-медициналық сараптамасының қорытындысына сәйкес екі көліктің де жүргізушісі де мас күйде болмаған және дене жарақатын алмаған. Полиция қызметкеріне қатысты ҚР ӘҚБтК-нің 610-бабы («Жүргiзушiнiң жол жүрісі қағидаларын адамдардың денсаулығына зиян келтiруге, көлiк құралдарының бүлінуіне алып келген бұзушылығы») бойынша хаттама толтырылып, өіндік қауіпсіздік басқармасы қызметтік тергеу жүргізуде.
*****
17 қараша күні Мақат аудандық полиция бөлімінің қызметкерлері "Учаске" жедел-профилактикалық шарасы кезінде құрамында есірткі заттары бар өсіруге тыйым салынған өсімдіктерді тұрғылықты мекен-жайында заңсыз егіп өсірген 39 жастағы Мақат ауданының тұрғынын анықтады.
Ол есірткі өсімдігін өз үйінің ішінде пластикалық ыдыста өсірген. Қазіргі уақытта осы дерек бойынша ҚР ҚК-нің 300-бабы 1-бөлімімен («Құрамында есiрткi заттар бар, өсiруге тыйым салынған өсiмдiктердi заңсыз егіп-өсіру») сотқа дейінгі тергеп-тексеру жүргізілуде.
*****
«Қару-2021» жедел-профилактикалық іс-шарасы барысында қаруды сақтау және тасымалдау тәртібін бұзған 30 тұлға анықталды.
4 күн ішінде заңсыз айналымнан бір қару мен 14 дана оқ-дәрісі тәркіленді. 1500 қару иесі тексеріліп қару сақтау, тасымалдау ережелерін бұзғаны үшін 30 тұлға әкімшілік жауапкершілікке тартылып, қарулары тәркіленді.
Дайындаған Айнұр САПАРОВА мен Ләззат ҚАРАЖАНОВА
Сурет пен бейнежазбаны ПД ұсынды