​Мас күйде бөтеннің көлігін айдап кеткен атыраулық ұсталды

Polisia.kz хабарлауынша, 25 қыркүйек күні сағат 03:30 шамасында Сұлтан Бейбарыс даңғылында орналасқан “Магнит” сауда орталығының тұсында патрульдік полиция кызметкерлері күдік тудырған Daewoo Nexia маркалы көлік кұралын тоқтатып, құжаттарын тексеру кезінде жүргізушісінің орта дәрежелі мас екендігін анықтаған. 

Сондай-ақ Daewoo Nexia көлігін бір сағат бұрын Вокзал маңы мөлтек ауданынан ұрлап жүргізіп кеткендігі белгілі болды. Жинақталған іс-құжаттар анықтау жүргізу үшін №2 қалалық полиция бөлімінің Тергеу бөлімшесіне тапсырылды.