Атырау шаңды дауыл құшағында

Бүгін, 24 қыркүйекте Атырауды шаңды дауыл басып қалды. Көру мүмкіндігі азайды - көшеде қала тұрғындары мен көліктер аз.

Төтенше жағдайлар департаменті Атырау тұрғындарынан ауа райының қолайсыздығына байланысты сақ болуды сұрайды:

- көліктерді қою кезінде ағаштардан, жарнама қалқандарынан, бос бекітілген құрылымдардан алыс жерлерді таңдау қажет;

- көшеде жүргенде солқылдап тұрған ғимараттарды, кәрі ағаштарды айналып өткен жөн;

- электр сымдарының астында тұрмаған және желмен үзілген сымдарға жақындауға болмайды;

- орынжайларда терезелер мен желкөздерді мықтап жапқан жөн;

Атырау облысының басқа аудандарында шаңды дауыл соғып тұр. Жүргізушілерге мүмкіндігінше елді мекендерден тыс қара жолдармен жүруден бас тартқан жөн. Дегенмен, трассалардың ашық екенін атап өткен жөн.

- Бүгін жол-көлік оқиғасы болған жоқ, бірақ біз жүргізушілерге жолға шықпауға кеңес береміз, - деді Атырау облысы Полиция департаментінің баспасөз қызметі.

Бұған дейін синоптиктер бұл күндері Атырау облысында шаңды дауыл болуы ықтимал екенін ескерткен болатын.

Фархат АБИЛОВ

Суреттер мен бейнежазбаны түсірген автор