В Атырау +3 
Ресейдің фармацевтикалық "Р-Фарм" компаниясы экспорт жасау мақсатында Оксфорд университеті мен AstraZeneca лицензиясы бойынша коронавирусқа қарсы вакцина шығаруды бастады. Бұл туралы журналистерге Ресей Өнеркәсіп және сауда министрлігі басшысының бірінші орынбасары Василий Осьмаков айтты, - деп хабарлайды Tengrinews.kz тілшісі РИА Новостиге сілтеме жасап.
"Ресейде шетелдік вакциналар қазірдің өзінде шығарыла бастады, "Р-Фарм" компаниясында AstraZeneca экспорт келісімшарттары бойынша шығарылады", - деді Осьмаков.
"Ішкі нарыққа келетін болсақ, өз өнімімізбен толық қамтылғанбыз. Бәрі мүмкін, әсіресе болашақта. Бірақ қазір сұраныстың артуына байланысты өзіміздің өндірістік қондырғылармен жұмыс жасаймыз, өз өндірісімізді қолдаймыз", - деп қосты ол
"Р-Фарм" бас директоры Василий Игнатьев мамырда РИА Новостиге берген сұхбатында компания Оксфорд университеті мен AstraZeneca лицензиясы бойынша маусымда коронавирусқа қарсы вакцинаның бірінші партиясын шығаруды жоспарлап отырғанын айтқан.