Мәйітті жарты жыл жасырған Таңдайлық мұғалім ақыры мектепте жұмыс жасамайтын болды

Жақында Махамбет ауданы Таңдай ауылы тұрғындарының наразылығы үлкен резонанс тудырды. Облыстық білім беру басқармасы да өз назарын аударды.

Еске сала кетсек, таңдайлықтар жарты жыл бойы нағашысының мүрдесін қорада сақтаған мұғалімнің жергілікті мектепке қайта жұмысқа шығуына бей-жай қарай алмады.

- Ата-аналардың өтініші ескерілді. Бұл жағдай мектептің педагогикалық кеңесінде жан-жақты талқыланып, Еңбек  кодексінің талаптарына сәйкес ол мұғалім жұмысынан босатылды, - деп хабарлады облыстық білім беру басқармасының бастығы Сатқан ЕСЕНҒАЛИЕВ.

Ләззат ҚАРАЖАНОВА