Вахтадан кейін пойызда «демалған»

Полицейлер «Атырау-Ақтөбе» пойызынан ішімдік ішіп, шу шығарған төрт вахта қызметкерін түсіріп алды.

- Бұл пойыз бастығының актісімен жасалды. Қоғамдық орында жүрген төрт ер адам алкогольді ішімдік ішіп, басқа жолаушылардың мазасын алды, - деп хабарлады Көліктегі полиция департаменті бастығының бірінші орынбасары Қалижан ҚОБЛАНДИН.

Заң бұзушылар 25, 31, 33 және 49 жастағы мұнай компанияларының бірінде жұмыс жасайтын вахта қызметкерлері болып шықты. Оларға ҚР ӘҚБтК-нің 440-бабы бойынша хаттама толтырылып, 5 АЕК көлемінде айыппұл салынды.

Фархат ӘБІЛОВ