В Атырау
+2 
16 тамызда таңертең «Global Stroy Astana» ЖШС-нің 20 шақты қосалқы мердігері тағы да, үшінші рет облыс әкімдігі ғимаратының алдына жиналып, осы мекеменің жұмыс үшін төлемеген ақшаны талап етті. Бұл шаруашылыққа қатысты дау жергілікті билікті алаңдата бастады.
Бұл жолы компания басшысы Нұрлан МАЗҒАЛИ ақыры Атырауға келді, бірақ қазір осы дауды реттеуге тырысқан облыс әкімінің орынбасары Қайрат БЕКЕНОВ орнында болмады. Жиналғандарға оның қазір іссапарда екенін айтты.
Біраз уақыттан кейін облыс әкімінің өзі қабылдағанын талап еткен кәсіпкерлерге Атырау облысы бойынша мемлекеттік еңбек инспекциясының басшысы Игілік ӘУБӘКІРОВ, «Арал Сервис» ЖШС заңгері Нұрлан ОРАЗҒАЛИЕВ, бас мердігер «Gaz stroy montazh KZ» ЖШС Атырау филиалының басшысы Батыр ИБРАЕВ пен Нұрлан Мазғали шықты.
Наразы түрде айтылған әңгіме «қосалқы мердігерлерге маңдай термен тапқан ақшаларын қашан береді?» деген «АЖ» жеткілікті қамтыған бір тақырыптың төңірегінде өрбіді. Нұрлан Мазғали бұл мәселені алдымен бас мердігер «Gaz stroy montazh KZ» мен мердігер «Арал Сервис» компаниясымен шешу керек деп жауап берді. Батыр Ибраев, өз кезегінде, алдымен «Құлсары-Теңіз су құбырының құрылысы» жобасында туындаған түсінбестікті анықтау керек деп жауап берді, өйткені ол жерде бір уақытта екі мердігер қатар болған және іс жүзінде жұмысты нақты кім орындағаны түсініксіз. Қазір бұл мәселе экономикалық сотта қарастырылуда.
Содан кейін шерушілерге түстен кейін оларды облыс әкімі қабылдайды деп уәде берілді. Бірақ кейін болған жиналыста әкімнің орынбасары Бекенов болған. Бұл жолы тағы да нәтижесіз аяқталған сияқты.
Айнұр САПАРОВА
Суреттер мен бейнежазбаны түсірген автор