Жириновский Ресейдің Қырғызстандағы елшісін кері қайтаруды талап етті

1 605 просмотра

ЛДПР жетекшісі Владимир Жириновский 9 тамызда Ресейдің Қырғызстандағы елшісін кері қайтаруды ұсынды, деп хабарлайды centralasian.org.

ТАСС агенттігінің хабарлауынша, саясаткер елшіні "тез арада" қайтаруды, сонымен бірге Қырғызстанмен "коммерциялық байланыстардың бәрін тоқтатуды" талап еткен. Жириновскийдің осындай талап қоюуына Бішкекте орыс тілінде сөйлейтін сатушы әйелге шабуыл жасалуы себеп болған.

Саясаткердің айтуынша, "қырғыз елшілігі алдында өте қатаң пикет өткізу керек". "Мен де келем. Сөйтіп қатаң түрде Қырғызстанның Ресейдегі жұмысшыларын депортациялауды талап етеміз", - деген Владимир Жириновский.

2021 жылдың басында Жириновский Ресейге Орталық Азия елдерінің мигранттарын кіргізудің қажеті жоқ деп мәлімдеген.

2013 жылы Қырғызстан Владимир Жириновскийді персона нон грата деп жариялаған. Сол кезде саясаткер қырғыздар қарызды кешіргені үшін Ресейге Ыстықкөлді сыйлауы тиіс деп мәлімдеген. Саясаткердің Қырғызстанға келуіне салынған тыйымның алынған-алынбағаны әзірге белгісіз.

10 тамыз 2021, 16:42

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.