Атырауда қылмыскер 45 жастағы әйел адамға күш көрсетіп, ішінде 60 мың теңгесі бар сөмкесін тартып алған. Бұл бейнебақылау камерасына жазылып қалды.
Полиция қызметкерлері 26 жастағы қылмыскерді ізін суытпай ұстады. Әйел адам мен күдіктінің Вокзал маңы ықшам ауданынан Нұрсая ықшам ауданына бірігіп такси жалдап келгені, әйел жол ақысын төлерде байқаусызда ақшасын көрсетіп қалған соң тонамақ болғаны анықталды.
Атырау облыстық полиция департаменті хабарлағандай, осы факті бойынша ҚР Қылмыстық кодексінің 191-бабы 2-тармағының 1-тармақшасы («Күш қолданып тонау») бойынша сотқа дейінгі тергеу амалдары жүргізілуде.
Ләззат ҚАРАЖАНОВА