Шілдеде Атырау облысында коронавирус пен пневмониядан көз жұму көрсеткіші биылғы маусыммен салыстырғанда 4,1 есеге артты.
ҚР Денсаулық сақтау министрлігінің мәліметі бойынша, шілдеде Атырау облысында Covid-19 бен пневмониядан 141 адам, маусымда 34 адам қайтыс болған.
Шілдеде орташа есеппен күн сайын 4-5 адам көз жұмса, қазір тамызда бұл көрсеткіш екі есеге көбейді.
Соңғы екі күнде коронавирус пен пневмониядан 18 адам қайтыс болды.
- 7 тамызда: 9 (пневмониядан 4, коронавирустан 5)
- 8 тамызда: 9 (пневмониядан 1, коронавирустан 8).
Бұған дейін «АЖ» Атырау облысында 1-6 тамыз аралығында 65 адам қайтыс болғанын хабарлаған болатын.
Сонда 8 күнде 83 адам көз жұмыпты.
Дайындаған Сәуле ТАСБОЛАТОВА